TƏDBİRLƏR

Bu gün Multimedia Mərkəzi tərəfindən “Dövlət qurumlarının onlayn şəffaflığı : problemlər və perspektivlər” mövzusunda  Dəyirmi Masa keçirilib.

Xeberler.az-ın məlumatına görə, dövlət qurumlarının informasiya açıqlığı üzrə növbəti Hesabat və Reytinq Cədvəli təqdim edilib.

Tədbirdə Multimedia Mərkəzinin direktoru, Azərbaycan İnternet Forumunun prezidenti Osman Gündüz informasiya açıqlığı üzrə Mərkəzi və yerli icra   qurumlarının növbəti Hesabatını  və Reytinq  Cədvəlini  ictimaiyyətə təqdim edib.

O, 4 ay ərzində  70 Mərkəzi icra orqanının  və 68 Yerli icra hakimiyyətlərinin rəsmi internet resursunun monitorinqinin aparıldığını qeyd edib.

Osman Gündüz rəsmi saytların 60  parametr üzrə kəmiyyət  və  keyfiyyət kriteriyaları və sosial əhəmiyyətlilik səviyyəsi nəzərə alınmaqla  informasiya  açıqlığı vəziyyətinin analiz olunduğunu bildirilib.

Hər bir qurum üzrə araşdırmaların yekunu olaraq icmal və tövsiyələr hazırlandığı diqqətə çatdırılıb.

Osman Gündüz Mərkəzi  icra orqanlarında informasiya açıqlığı sahəsində  əvvəlki illərlə müqayisədə əhəmiyyətli müsbət irəliləyişlərin olduğunu, daha çox mərkəzi icra orqanı arasında informasiya açıqlığı üzrə rəqabətin yarandığını qeyd edib.

Monitorinqin nəticələrinə əsasən informasiya  açıqlığı üzrə Reytinq Cədvəlində 1-ci , 2-ci və 3-cü yerləri müvafiq olaraq  Vergilər Nazirliyi (79.1%), Dövlət Qulluğu Məsələləri üzrə Komissiya (78.5%) və Dövlət Neft Fondu ( 78.2 %) tutub. 

Sonuncu yeri isə Azərbaycan Hava Yolları QSC (32.1 % ) tutub.

70 Mərkəzi icra qurumları üzrə orta informasiya  açıqlığı  göstəricisi  61.5 %  (  2015-ci ildə  56%,  2013-cü ildə  39 %,  2012-ci ildə 33.5%) olub.Cari ildə 70 dövlət qurumundan  artıq 60- informasiya açıqlığı üzrə 50%-lik həddi keçə biliblər.

2015-cü ildə cəmi 55 qurum informasiya açıqlığı üzrə 50%-lik həddi keçə bilib, 2013-cü ildə  cəmi 21 qurumun açıqlıq göstəricisi 50%-dən yüksək olub.

Yerli icra hakimiyyətləri (şəhər və rayon) üzrə orta informasiya açıqlığı göstəricisi isə cəmi 14.5 %  ( 2015-ci ildə 15%, 2013-cü ildə  : 12.7 %) olub.

Tədbirdə yerli icra qurumların informasiya açıqlığı sahəsində ciddi problemlərin qaldığı bir daha diqqətə çatdırılıb.

Bu sahədə vəziyyətin daha kəskin olduğu bildirilib.  

Ötən illərlə müqayisədə  yerli icra orqanlarında , rayon və çəhər icra hakimiyyətlərinin rəsmi saytlarında hər hansı bir ciddi dəyişiklik baş vermədiyi, əksinə gerilə olduğu qeyd edilib.

Vurğulanıb ki, bu qurumların saytlarının hamısı bir-birini təkrarlayır, açıqlanması məcburi olan infromasiyalarn 80-90% -i rəsmi saytlarda yoxdur.

Ötən müddətdə  Dövlət Nefft Fondunun, VXSİ Dövlət Agentliyinin, Əmlak Məsələləri Dövlət Agentliyinin,Gənclər və İdman Nazirliyinin, QHT-lərə Dövlət Dəstəyi Şurasının,Müəllif Hüquqları Agentliyinin, Standartlaşdırma , Meterologiya və Patent üzrə Dövlət Komitəsinin infromasiya açıqlığı sahəsində əhəmiyyətli irəliləyişlərin olduğu bildirilib.

Bununla belə, hesabatda əvvəlki illərdə informasiya açıqlığı sahəsində daha yaxşı mövqedə olan Təhsil Nazirliyinin, Dövlət Sosial Müdafiə Fondunun, Mərkəzi Bankın Fövqalədə Hallar Nazirliyinin onlayn informasiya resurslarında müəyyən qədər geriləmələrin olduğu bildirilib.

 Dəyirmi Masada  Millət vəkili Əflatun Amaşov, Açıq Hökumətin Təşviqi üzrə Platformanın ko0rdinatoru Əliməmməd Nuriyev, media ekspertlər  Ələsgər Məmmədli və Azər Həsrət, VXSİ Dövlət Agentliyinin bölmə müdiri Ulduz Xəlilova, Rabitə və Yüksək Texnologiyalar Nazirliyinin rəsmisi Tahir Məmmədov, RYTN Məlumat Hesablama Mərkəzinin şöbə müdiri Nadir Rəsulov , Ombudsman Aparatının əməkdaşı Faiq Agayev , Korrupsiyaya Qarşı Mübarizə Baş İdarəsindən İsfəndiyar Hacıyev, XDMX Xüsusi Rabitə və İnfromasioya Təhlükəsizliyi Dövlət Agentliyinin rəsmisi Tural Məmmədov, Şəffaflıq Azərbaycan qurumunun əməkdaşı Məhəmməd Muradov, Hüquq və İnkişaf İctimai Birliyinin rəhbəri Hafiz Həsənov, Yeni Media Jurnalistləri” İB-nin sədri Xaqani Səfəroğlu  və digər nümayəndələr çıxış ediblər.

Çıxışlarda növbəti monitorinqin mühüm ictimai əhəmiyyət kəsb etməsi vurğulanıb.

Bu sahədə mərkəzi icra orqanlarında son illərdə xeyli irəliləyişlərin olduğunubildiriblər. Bununla belə çıxışlarda həmçinin hələ də açıqlanması məcburi olan informasiyaların xeyli hissəsinin bəzi Mərkəzi icra orqanlarından , xüsusilə də  yerli icra orqanlarının  saytlarından əldə edilməsinin mümkünsüzlüyü qeyd olunub. Bu sahədə dövlət nəzarətini həyata keçirməli olan  dövlət qurumunun da  fəaliyyətinin zəif olması vurğulanıb .

Yerli icra orqanlarının informasiya açıqlığı sahəsindəki mövcud vəziyyətin çox aşağı səviyyədə olması vurğulanıb.

Monitorinqin nəticələrinin ictimailəşdirilməsinin və davamlı olaraq  aparılmasının zəruriliyi qeyd olunub.

Təqdimat mərasimində hökumət qurumlarının nümayəndələri, müstəqil ekspertlər, özəl və ictimaisektorun təmsilçiləri  iştirak edib.

Layihə  Qeyri-Hökumət Təşkilatlarına Dövlət Dəstəyi Şurasının dəstəyi ilə həyata keçirilib

 Məltəm Talıbzadə